اپنے بچوں کے نام چے گویرا کا خط

سرمایہ دارنہ نظام کے لیے ایک دہشت، انقلابیوں کے لیے عزم و ہمت کے نشان کامریڈ چے گویر کے یوم شہادت پر ان کا اپنے بچوں کے نام لکھا جانے والا خط، ان کے انقلابی جذبے کے ساتھ آپ ساتھیوں کے نام بالخصوص نوجوانوں اور طالب علموں کے نام۔ 

اگر کسی دن تم میرا یہ خط پڑھو گے۔ اس لئے کہ میں خود تمہارے پاس نہیں ہوں گا۔
تم مجھے تقریباً بھول جاؤ گے اور جو ابھی ننھے منےؔ ہیں انہیں تو میں بالکل یاد نہیں رہوں گا۔ تمہارے باپ ایک ایسا آدمی رہاہے جس نے جو سوچا اس پر عمل بھی کیا۔ یقین رکھو کہ وہ اپنے نظر یات سے مکمل طور پر وفادار رہا ہے۔
ایک اچھے انقلابی بننے کے لئے پروش پاؤ۔ ٹیکنالوجی پر عبور حاصل کرنے کے لئے سخت محنت کرو۔ اس طرح تم فطرت کی طاقتوں پر پوری طرح قابو حاصل کر لو گے۔ یاد رکھو کہ اگر کوئی چیز اہم ہے تو انقلاب، اس کے مقابلے میں ہماری ذات، ہمارا وجود کوئی اہمیت نہیں رکھتا۔ اور مزید براں دنیا کے کسی خطے میں کسی شخص کے ساتھ ہونے والی ناانصافی کو پوری طرح محسوس کرو۔ ایک انقلابی کی سب سے خوبصورت صفت یہی ہے۔
الوادع! میرے بچو! تمہیں دیکھنے کی اب بھی امید ہے شفقت اور محبت بھرا پیار۔
تمہارا پاپا۔

Leave a Reply